இந்திய அரசியல்வாதிகளும் அதிகாரிகளும் மக்களைப் பாதுகாக்க என்ன செய்கிறார்கள் ?

மும்பாய் தீவிரவாத தாக்குதலுக்குப் பின் வழக்கம் போல இந்திய அரசு தனது பணிகளைச் செவ்வனே செய்யத் தொடங்கியிருக்கிறது. வழக்கம் போலவே அண்டை நாட்டின் மேல் பழி போட்டுவிட்டு, ஆற அமர புலன் விசாரித்து, நீதிமன்றத் தீர்ப்பு வருவதற்குள் மக்கள் இந்த நிகழ்ச்சியை மறந்து விடுவார்கள். அடுத்த தேர்தலில் ஏதாவது ஒரு கட்சியைச் சேர்ந்த அரசியல்வாதி மீண்டும் ஆட்சியில். வழக்கம் போல ஊழல், கறுப்புப் பணச் சேமிப்பு, சுவிஸ் பேங்க் அக்கவுண்ட், இத்யாதி, இத்யாதி.

இங்கே நாம் கவனிக்க வேண்டிய விஷயம் - இந்த தீவிரவாத தாக்குதல் முற்றிலுமாகத் தவிர்க்கப்பட்டிருக்கலாம். ஒரு மாதத்திற்கு முன்னரே அமெரிக்க உளவு அமைப்பு இது போன்ற கடல் வழியான ஒரு தாக்குதல் மும்பாயில் நடக்கக் கூடும் என்று இந்திய அதிகாரிகளை எச்சரித்திருக்கிறது. அதன் பின்னர் இந்திய அதிகாரிகளே இதுபோன்ற ஒரு செய்தியை ஒட்டுக் கேட்டிருக்கிறார்கள். மும்பாயின் பிரபல ஹோட்டல்களுக்கும் பாதுகாப்பு சிறிது நாள் கொடுத்திருக்கிறார்கள். ஆனால் அதைத் தொடர்ந்து செயல்படுத்தாமல் விட்டுவிட்டதால் இறுதியில் இந்த நிலை ஏற்பட்டிருக்கிறது. நாட்டு மக்களின் பாதுகாப்பை அரசியல்வாதிகளும் அதிகாரிகளும் எந்த அளவு பெரிதாக எடுத்துக் கொள்கிறார்கள் என்பதற்கு இது ஒரு உதாரணம்.

மக்கள் எக்கேடு கெட்டாலும் பரவாயில்லை என்ற மன நிலையில் இருக்கும் இவர்கள் தங்களைப் பாதுகாப்பதற்காக என்னென்னவோ தகிடுததங்கள் செய்கின்றார்களே ? கட்சி மற்றும் ஆட்சி பாகுபாடின்றி எல்லா அரசியல்வாதிகளுக்கும் மக்களின் வரிப்பணத்தில் ஸ்பெஷல் பாதுகாப்பு கொடுக்கின்றார்கள். ஜெயலலிதாவிலிருந்து, அத்வானி, ஜோஷி, என்று பட்டியல் நீள்கிறது. ஆட்சியில் இருக்கும் அரசியல்வாதிகளின் பாதுகாப்பைப் பற்றி சொல்ல வேண்டியது இல்லை. இதற்காகவே ஆண்டுக்கு 250 கோடி ரூபாய் செலவாகிறதாம்.

இந்தியாவின் விலைமதிப்பற்ற சொத்துக்களாக தங்களைத் தாங்களே கருதிக்கொள்ளும் இவர்கள் தங்கள் பாதுகாப்பிற்காகச் செலவாகும் தொகையை மக்களின் பாதுகாப்பிற்காக செலவிடவேண்டும் என்று தாமாகவே முன்வர வேண்டும். தங்களுக்கு அரசினால் கொடுக்கப்படும் பாதுகாப்பை விலக்கிக் கொள்ள வேண்டும். அல்லது கொடுக்கப்படும் பாதுகாப்பிற்கான தொகையை அவர்களே ஏற்றுக்கொள்ள வேண்டும்.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

அறிவுகெட்ட பெற்றோரிடம் வளரும் குழந்தைகளின் எதிர்காலம்?

பெற்றோர்கள் பொதுவாகவே குழந்தைகளின் எதிர்காலம் நன்றாக இருக்கவேண்டும் என்று பல தியாகங்களையும் செய்து வளர்ப்பார்கள் என்பதுதான் உலக நியதி. ஆனால் இதற்கு விதிவிலக்காக பலர் இருக்கிறார்கள் என்பதை சமீபத்திலே நான் வாசித்த செய்திகள் நிரூபிக்கின்றன. 1.கோவை விபத்தில் மூளை செயலிழந்த இதயேந்திரனின் உடல் உறுப்புகள் தானம் செய்யப்பட்டதை பத்திரிக்கைகள் பெரிதாக எழுதியதுபோல், தாமும் தமது மூளை வளர்ச்சி குறைவான ஆனால் நன்றாக நடமாடிக் கொண்டிருக்கின்ற மகனின் உறுப்புகளையும் தானம் செய்தால் புகழ் பெறுவோம் என்று ஒரு பெற்றோர் கருதினர். கலெக்டர் அலுவலகம் சென்று இதைச் சொன்னபின்னர் பலராலும் அறிவுறுத்தப்பட்டபின் தங்களது தவறை உணர்ந்து கொண்டார்கள் என்று தோன்றுகிறது. இவர்களுக்கு தாம் பெற்ற மகன் துறுதுறுவென ஓடியாடி இருக்கும் காலத்திலேயே உறுப்புத்தானம் செய்தால் இறந்து விடுவான் என்பது தோன்றவில்லையா ? அல்லது மூளை வளர்ச்சி இல்லாத மகனின் தொல்லை தீர்வதுடன் புகழும் கிடைக்கும் என்று நினைத்ததால் இப்படி ஒரு முடிவுக்கு வந்தார்களா ? http://dinamalar.com/fpnnews.asp?News_id=2243&cls=row3 2.செயின்ட் ஜான், அரிசோனா (USA) எட்டு வயது மகனு
மேலும் படிக்கவும்

அமெரிக்காவில் டிரம்பின் பயணத்தடை அமலுக்கு வருகிறது

படம்
அமெரிக்காவில் டிரம்பின் பயணத்தடை அமலுக்கு வருகிறது அமெரிக்க அதிபர் டிரம்பின் நிறைவேற்று அதிகாரத்தில் வெளியிடப்பட்ட பயணத்தடையில், உச்ச நீதிமன்றம் அனுமதித்த பகுதிகள் இன்றிலிருந்து அமலுக்கு வருகிறது. பெரும்பாலும் முஸ்லிம்கள் வாழ்கின்ற 6 நாடுகளின் பிரஜைகளுக்கும், அகதிகளுக்கும் புதிய விசா வரையறை பின்பற்றப்படும். இந்த நாடுகளை சேர்ந்தோரும், அகதிகளும் இனிமேல் அமெரிக்கா விசா பெறுவதற்கு, அமெரிக்காவோடு நெருங்கிய குடும்ப அல்லது வர்த்தகத் தொடர்புகள் கொண்டவராக இருக்க வேண்டும் என்று இந்த புதிய வரையறை வலியுறுத்துகிறது. இரான், லிபியா, சிரியா, சோமாலியா, சூடான் மற்றும் ஏமன் நாட்டு மக்களை பாதிக்கின்ற இந்த விதிமுறைகள் வியாழக்கிழமை முதல் நடைமுறைக்கு வருகின்றன. அதிபர் டொனால்ட் டிரம்பின் பயணத்தடை உத்தரவின் ஒரு பகுதியை உச்ச நீதிமன்றம் அனுமதித்த பின்னர், இந்த புதிய விதிமுறைகள் அறிவிக்கப்பட்டுள்ளன. புதிய விதிமுறைகள்படி, நெருங்கிய உறவுமுறையுடைய பெற்றோர், மனைவி, குழந்தை, மருமகன் அல்லது மருமகள், அல்லது அவர்களின் குழந்தைகள் ஆகியோரை தவிர இந்த ஆறு நாடுகளை சேர்ந்த ஏனையோர் அடுத்து வரும் 90 நாட்க
மேலும் படிக்கவும்

ரொம்ப முக்கியம் - மடோன்னாவின் விவாகரத்து !

படம்
பரபரப்புக்கும் சர்ச்சைகளுக்கும் பேர்போன அமெரிக்கப் பாடகி மடோன்னா, ஹாலிவுட் தரப்படி கொஞ்சம் நீண்ட திருமண வாழ்க்கைக்குப் பிறகு, தனது கணவரான கய் ரிட்சியை இன்று விவாகரத்து செய்துள்ளார். ஜீவனாம்சமாக மடோன்னா 60 மில்லியன் டாலர்களை கய்க்கு கொடுக்கச் சம்மதித்துள்ளார். மடோன்னாவின் மூன்று குழந்தைகளுள் இருவர் கய்க்குப் பிறந்தவர்கள். இவர்களது பிரிவுக்கு முக்கியமான காரணங்களாக சொல்லப்படுபவை : மடோன்னாவை விட கய் வயதில் இளையவர். மடோன்னாவை பல முறை 'கிழவி' என்று அழைத்து இம்சைப்படுத்தியிருக்கிறாராம். மடோன்னா சார்ந்துள்ள யூத மந்திரவாதக் கோட்பாடான 'கப்பாலா'வில் கய்க்கு அதிக ஈடுபாடு இல்லை. அலெக்ஸ் ரோட்ரிகஸ் என்ற பேஸ்பால் விளையாட்டு வீரரை கப்பாலாவில் மடோன்னா ஈடுபடுத்தியதால் அவரது மனைவி அவரை முன்பு விவாகரத்து செய்திருந்தார். இந்த விவகாரத்தால் கய்க்கு மடோன்னாவின்மேல் கோபம். விரைவில் மடோன்னாவின் அடுத்த திருமணச் செய்திகளை எதிர்பாருங்கள்.
மேலும் படிக்கவும்